Овој пат тој е во Кина како ментор на својот млад внук Ли (Бен Ванг). Кога Ли мора да се пресели во Њујорк, тој се судира со училишниот насилник и завршува на турнирот „Five Boroughs“. Хан оди со него за да го тренира во боречки вештини, додека Дени ЛаРусо (Ралф Макио), изворното карате дете, пристигнува од Калифорнија за да го научи карате.

„Не морам повеќе“

„Мислам дека овој филм многу добро ја разбира фундаменталната разлика помеѓу боречките вештини од Хонг Конг, кои се фокусираат на кореографија и движење, и американските боречки вештини, каде што всушност се работи за ударот“, вели режисерот Џонатан Ентвисл.

Чен, кој се приклучи на франшизата во 2010 година во филмот „Karate Kid“ со Џејден Смит, истакнува дека овој пат не му била потребна посебна подготовка. 71-годишниот актер вели: „Не морам повеќе. Веќе 64 години тренирам секој ден. Постојано се борам“.

„Немам 20 години, но се држам“

Тој се занимава со глума од 1960-тите и е легенда на кореографијата за боречки вештини. Тој самиот ги изведува сите акробации во „Karate Kid: Legends“, иако со текот на годините успорил. Низ смеа признава: „Не сум како кога имав 20 години и можев да направам троен удар во воздух. Сега правам еден удар“. Сепак, и понатаму е тој.

Чен вели дека на Ванг му пренел вреден совет: „Му реков, Бен, имаме каскадер за тебе, но треба да направиш сè сам. Публиката повеќе ќе те почитува така. Кога користиш каскадер, со текот на времето стануваш мрзлив“.

За разлика од Чен, 25-годишниот Ванг имал построг режим. „Постојано добивав клоца во задникот“, вели тој. Иако голем дел од патувањето на Ли е градењето самодоверба во неговите сопствени потези, Ванг работел со тим каскадери месец и половина пред снимањето: „Пет дена официјален тренинг, од утро до вечер, а за викендите тренирав сам“.

„Многу ми помогна“

Тимот имал 90 дена да го доведе до ниво каде што ќе „изгледа пристојно на сцена со борба со Џеки Чен“. Кога се појавил Чен, Ванг вели: „Многу му помогна“.

Што се однесува до Маки, крајот на серијата на Нетфликс „Cobra Kai“ не значешеи крај за Дени ЛаРусо. Откако заврши снимањето на серијата, тој се качи во авион за сетот на „Karate Kid: Legends“. Неговите тренинзи започнале порано: „Тоа беше уште еден каскадерски тим; тие ми пратија снимки однапред и работев на одредени делови“, објаснува актерот.

Кога конечно пристигнал на снимањето, се си дошло на свое место. Со Ванг како ново дете каратист и предавањето на штафетата, Макио се смее: „Помогнав да се изградат темелите на оваа куќа, но се чувствував како да сум во туѓа куќа“. А што мисли Чен за Ванг? Со гордост вели: „Тој е како мојот помлад Џеки Чен“.