Со вклучувањето на овие природни сокови во секојдневната рутина, не само што може да ја зајакнете крвната слика туку ќе постигнете и општа виталност, подобрување на циркулацијата и поддржување на здравјето на цело тело.
Нашата општа здравствена состојба и нивото на енергија тесно се поврзани со здравјето на крвта. Крвната слика која ги опфаќа бројот на црвени крвни зрнца, ниво на хемоглобин и други важни показатели, може да открие многу за тоа како функционира нашиот организам.
1. Сок од цвекло – за јакнење на крвта и подобра циркулација
Цвеклото е познато како вистински еликсир за крвта. Богато е со железо, витамин Ц и фолна киселина, состојки кои се клучни за создавање на црвените крвни зрнца и зголемување на хемоглобинот. Редовното пиење на овој сок може да помогне во превенција при анемија, додека присутните нитрати поттикнуваат подобар проток на крв и намалување на крвниот притисок, што позитивно влијаат на здравјето на крвните садови.
2. Сок од аронија – заштитник на хемоглобинот и крвните садови
Аронијата е овошје исклучително богато со антиоксиданти, железо и витамин Ц. Способноста на аронијата е да го зголеми нивото на хемоглобин и да го подобри искористувањето на железото од храната.
3. Сок од портокали – поддршка при апсорпција на железо
Иако портокалот не е богат со железо, големото присуство на витамин Ц го прави исклучително корисен. Витаминот Ц ја зголемува апсорпцијата на железо од растителните извори, па сокот од портокал се препорачува како одличен додаток при оброци. Цитрусните сокови, како лимон, грејпфрут и мандарина дополнително поволно делуваат благодарение на флавоноидите со противвоспалителни својства.
4. Сок од шипка – природен сојузник против анемија
Шипката содржи изобилство на витамин Ц, железо, калиум и флавоноиди, што ја прават исклучително корисна за здравјето на крвта. Редовното консумирање на овој сок го поттикнува создавањето на црвените крвни зрнца, подобрување на циркулацијата и намалување на оксидативниот стрес.
5. Сок од кељ – секојдневна доза на хранливи состојки
Кељот е вистинска скапоценост меѓу зеленчукот – содржи железо, витамин К, витамини Б и калциум. Сокот од кељ помага во создавањето на црвени крвни зрнца, го чува срцето и крвните садови. Поради нутритивната густина, се препорачува во помали количини, но да се консумира редовно.
