Реал Мадрид сезонава се бори уште само за трофејот во домашното првенство, а таму го очекува ново големо дерби со Барселона и желба да се намали негативата зад единствениот ривал за титулата.
Поранешниот голман на Реал, Сантијаго Кањизарес ги коментирал случувањата на вчерашниот дуел меѓу Интер и Барселона, но поентирал и со интересен став поврзан со тренерот на најголемиот ривал на Реал.
– Грција еднаш освои Европско првенство играјќи бункер и фудбалот не умре.
– Фудбалот е неверојатна игра, вчерашниот натпревар и целиот двомеч беше импресивен, на крајот деталите решаваа. Овој систем е идеален за Барса, но екипата направи премногу дефанзивни грешки и тоа ја чинеше скапо, – рекол шпанскиот голман и го префрлил фокусот на Ханси Флик.
– Флик е позитивна реалност за фудбалот, за Реал Мадрид најдобра вест би била кога Германецот ќе реши да ја напушти Барса и да го преземе Баерн Минхен. Зад секоја добра Барселона стои одличен тренер, а неговата споредба со Куман е како да споредуваш вода со вино, – вели Кањизарес.
