Неверојатниот кинески талент во снукер, Жао Чинтонг, приреди вистинска сензација на Светското првенство и се пласираше во големото финале откако во полуфиналето буквално го „прегази“ легендарниот Рони О’Саливен со резултат 17:7!
Во меч кој долго ќе се памети, О’Саливен — седумкратен светски шампион и можеби најголемото име во историјата на снукерот — немаше никакви шанси против инспирираниот Чинтонг. Дополнителен шок за јавноста е тоа што Жао моментално нема професионален статус, бидејќи дури неодамна се врати на натпреварувачка сцена по 20-месечна суспензија поради вмешаност во обложувачки скандал во Кина.
Но, изгледа дека паузата само го зацврсти. Напротив — се врати посилен од кога било! Веќе во полуфиналето демонстрираше огромна моќ и самодоверба, не оставајќи ниту трошка шанса на славниот О’Саливен да стигне до завршната сесија.
Интересно, првата сесија заврши изедначено – 4:4, но потоа следеше вистинска бура. Чинтонг поврза осум фрејма по ред и стекна огромна предност од 12:4. До крајот рутнски ја доврши работата и го затвори мечот со импресивни 17:7.
A century of Crucible centuries in 2024/25!
Will the 109 record be beaten?
#HaloWorldChampionship | @halonextgen
Posted by WST on Friday 2 May 2025
Со тоа го обезбеди најголемиот успех во својата досегашна кариера и го закажа својот настап во финалето за титулата светски шампион – што може да биде историско достигнување за Кина. Имено, единствениот кинески играч што досега стигнал до финале бил Динг Џунхуи, кој во 2016 година загуби од Марк Селби.
Во финалето, Жао ќе се соочи со победникот од другото полуфинале помеѓу Џад Трамп, моментално најдобриот играч на светот, и Марк Вилијамс, троен светски шампион и пријател на Балканот, кој минатата година неколку пати престојуваше во Сараево и јавно изјави колку му се допаѓа регионот.
Да потсетиме, Чинтонг беше еден од двајцата елитни кинески играчи кои во 2023 година беа осомничени за местење натпревари, за што тогаш широко се пишуваше.
Денес
