Нејзиниот стил го карактеризираат елеганција, софистицираност и баланс меѓу класичното и модерното.
Кралицата Летиција од Шпанија со години важи за една од најдобро облечените жени во светот. Без оглед на тоа дали носи елегантен фустан или модно парче од уличната мода, Летиција секогаш остава моќен моден впечаток.
Таа е храбра во изборот на облека, а во истовреме и верна до својата препознатлива силуета и бои, а често знае да си „поигра“ со кроевите, текстурите и деталите.
Во текот на церемонијата „CreaEmpresa 2025“ во рамките на третата етапа „Tour del Talento“, кралицата уште еднаш ја потврдила својата титула на модна икона, овојпат во монохроматско издание кое го одзема здивот.
Летиција се појавила во смарагден зелен костим кој го споил сѐ она што нејзиниот стил го прави моќен – елеганција, софистицираност и женственост.
Костимот бил составен од панталони и подолго, струкирано сако со „оверсајз“ крој, што внело совршен баланс меѓу строгите линии и опуштениот шик.
Под сакото носела црна маица со чипка која внела нота на сензуалност во целокупниот изглед и ја разбила монохроматската структура со суптилен контраст.
Црните чевли со дебела потпетица биле вистинско впечатливо парче, но во состав со софистицираното темпо на комбинацијата, додека пак црната чанта дискретно ја заокружила оваа модна комбинација.
Косата ѝ била стилизирана брановидно, ненаметливо, но ефектно, баш како и целиот стајлинг.
Летиција со ова модно издание уште еднаш покажала дека знае како се гради моќна модна порака – со стил, самодоверба и мера.
Дали ви се допаѓа оваа модна комбинација на кралицата Летиција?
Денес
