Замислете семеен живот во близина на градот, а опкружени со природа и мир. Водени од идејата дека среќата може да биде на чекор од метрополата, тимот на We and Nature создаде уникатна приказна — резиденцијален комплекс со 10 куќи, сместен во подножјето на Скопска Црна Гора, на 400 метри надморска височина и само 8 километри од центарот на Скопје.
Да играте баскет со соседот, да заиграте одбојка на песок или вашите деца да другаруваат без екрани, сето тоа е можно благодарение на спортско-рекреативната инфраструктура во рамките на комплексот.
Во време на сообраќаен метеж, загаден воздух и секојдневен стрес, домот треба да биде ваша лична оаза. Со живот во We and Nature, добивате место каде што времето поминато со семејството навистина ве полни со енергија и мир.
Комплексот не е само дом — тој е начин на живот. Со 13.000 квадратни метри зелена, несообраќајна површина, која ја делите со соседите, добивате вистински простор за спорт, дружење, заеднички прослави или едноставно за одмор.
Тука, концептот на живеење е инспириран од стариот маалски дух — интимност за приватност, но и доволно простор за социјализација. Комплексот нуди и детски парк со модерни реквизити, како и затворен простор од 100 м² за настани, работилници, јога часови и семејни собири.
РАМНОПРАВНОСТ И УБАВИНА – ИНСПИРИРАНО ОД НАЈСРЕЌНИТЕ НАЦИИ
Скандинавците одамна ја негуваат идејата дека архитектурата може да донесе среќа. Следејќи ја таа филозофија, куќите во We and Nature се еднакви по форма, а различни по содржина — совршена основа за секое семејство да ја гради својата единствена приказна.
Секоја куќа нуди 160 м² функционален простор на два ката, сопствена гаража од 50 м², и пространи тераси за вистинско уживање на отворено.
Бидете креатор на сопствениот дом
Куќите се нудат во завршена карабина фаза — со фасада, прозорци, врати и приклучоци, а внатрешниот уред е во ваши раце. Тимот на We and Nature ви стои на располагање за совети и техничка поддршка за да го реализирате вашиот идеален ентериер.
За чист и здрав воздух, фасадите се изработени со камена волна, природен материјал што им овозможува на ѕидовите да „дишат“ и спречува создавање влага, што ја прави вашата внатрешна средина безбедна и здрава.
Летна оаза — базен за сите генерации
Во рамките на заедничките простори се наоѓа и базен со површина од 10 х 5 метри, кој вклучува плитка зона за најмалите. Совршено место за разладување и дружење во летните денови.
Вашиот нов дом чека на вас!
Ако сакате лично да ја доживеете атмосферата на We and Nature, пополнете го формуларот на нашата веб-страница и закажете посета. Ќе ви одговориме на сите прашања со задоволство!
Комерцијален текст
