Жените често чувствуваат дека мажите не го забележуваат нивниот труд, колку и да се обидуваат да им угодат. Но, сепак, постојат нешта кои мажите навистина ги ценат – тивко, длабоко и постојано.

1. Знае да попушти – но не и да се понижи

Тоа е како танц – понекогаш нежно, понекогаш цврсто, но никогаш од позиција на жртва.

Жена што умее да каже: „Нека биде твое, не ми е важно“, не губи ништо. Напротив, добива – почит. Бидејќи во тие зборови нема слабост, туку тивка сила.

Како што рекол Лао Це:

„Оној што попушта е мудар. Тој продолжува понатаму додека другите стојат во место.“

Мажот го чувствува тоа – иако можеби никогаш нема да го каже гласно.

2. Знае да пофали – искрено, од срце, не механички

На крајот на денот, мажите се како деца – не на лош начин, туку затоа што сакаат да се чувствуваат потребни. Не убави, не успешни – туку нeопходни. А кога покрај себе има жена што искрено го поддржува, тој ќе се труди – и без тоа да му се бара.

Џон Греј, авторот на Мажите се од Марс, жените се од Венера, вели:

„Она што на мажот му изгледа како ситница може да биде знак на љубов кон жената. Но, обратно – жената што ги забележува машките „ситници“, станува посебна за него.“

3. Не зборува лошо за него пред другите, и ги чува неговите тајни

Ретка е жената што не го изложува приватниот живот пред јавноста. Не затоа што страда во тишина, туку затоа што се грижи и знае каде се границите.

Жена што секогаш стои покрај својот маж, заслужува почит. Она што го има да му го каже – ќе му го каже на четири ѕида, не во друштво и не зад грб.

4. Секогаш е тука – и кога е најтешко

Можеби најтешката навика: да останеш покрај некого кога сè се распаѓа. Кога тој е лут. Кога молчи. Кога не победува. Кога доживува падови. Жената што не си заминува во тие моменти – останува засекогаш во неговото срце.

Не затоа што мора, туку затоа што сама избира да биде тука. Без укор, без осуда, без „ти реков“. Таа само е тука. Забележува, разбира, олеснува.

Таквата жена станува тивка тврдина. Не оклоп – туку столб на домот, оној што му дава стабилност.

5. Не го држи – туку избира да остане

Има жени што сакаат до точка на задушување – со најдобри намери, но со преголема контрола. А има и такви што љубат без да поседуваат.

Таа не бара извештаи, не проверува телефони, не се лути на пријателите. Не затоа што не ѝ е гајле, туку затоа што му верува.

А покрај таква жена – се дише полесно. Нема страв од осуда. Нема притисок да се „докажува“ љубовта.

Како што рекол Ремарк:

„Љубовта е кога тишината меѓу двајца не тежи – туку смирува.“