Голем дел од нив се загрижени дали строгите мерки ќе ги засегнат и нив и дали ќе мора да се вратат во Македонија.

Новиот коалициски договор на германската влада предвидува преполовување на годишниот број на работни дозволи за нискоквалификувани работници од Балканот – од 50.000 на 25.000.

Главната причина за оваа одлука е економската криза, зголемениот број украински бегалци кои добија пристап до германскиот пазар на труд, како и политичката волја за ограничување на имиграцијата.

Но, што значи ова за оние Македонци кои веќе работат во Германија?

Несигурност за иднината

Иако засега нема најави дека ќе се укинуваат постојните работни дозволи, некои работници стравуваат дека ќе се соочат со административни пречки при обновувањето на своите документи.

Дополнително, соочени со економски проблеми, некои германски компании веќе почнаа со кратење на работни места.

„Работам во градежништво веќе шест години и секогаш ми ја продолжуваа дозволата без проблем. Но, сега слушаме дека многу фирми намалуваат број на работници и стравувам дека еден ден може да ми кажат дека нема повеќе место за мене“, вели Игор, нашинец кој живее во Минхен.

Слични грижи изразуваат и работници од угостителството, производството и секторот за нега.

Некои компании веќе ги намалуваат платите или ги намалуваат работните часови, што ги тера работниците да размислуваат за враќање дома.

Дали враќањето во Македонија е опција?

За многумина кои со години вложувале во животот во Германија, враќањето во Македонија не е лесна одлука.

Главниот проблем е што на домашниот пазар на труд платите се далеку пониски, а работните услови не се толку стабилни.

„Ако ја изгубам работата тука, тешко ќе најдам нешто во Македонија со плата каква што добивам овде. Но, ако трошоците за живот во Германија продолжат да растат, а платите да стагнираат, можеби нема да имам избор“, вели Марина, медицинска сестра во Берлин.

Од агенциите за посредување при вработување објаснуваат дека за сега нема конкретни промени во процедурите за оние што веќе имаат работа, но предупредуваат дека рестрикциите за нови вработувања може индиректно да влијаат и на оние кои веќе се во Германија.

„Во моментов нема најави дека работниците што веќе се во Германија ќе бидат засегнати, но економските фактори се непредвидливи. Ако фирмите почнат да затвораат работни места, можни се откази и тоа ќе ги стави многу работници во тешка позиција“, вели Зоран, вработен во агенција за посредување при вработување.

Остатокот од текстот можете да го прочитате ТУКА.