Манчестер Јунајтед следи повеќе фудбалери на различни позиции и ќе мора да ангажира дел од нив ако сака да се бори за трофеи од следната сезона, а менаџерот Рубен Аморим и менаџментот ќе се обидат да не направат грешки и во овој преоден рок.
Според добро информирани извори, цитирани од угледни европски новинари, Јунајтед дефинитивно ќе ангажира помлад фудбалер кој може да игра како втор напаѓач, односно офанзивен играч за врска.
Во најтесна конкуренција за позицијата се Чави Симонс од РБ Лајпциг и Кенан Јилдиз од Јувентус, двајца големи таленти од кои допрва се очекува да го покажат целосниот потенцијал.
Симонс порано или подоцна ќе го напушти Лајпциг и јасно е дека бундеслигашот не може да смета на неговите квалитети долгорочно.
Од друга страна, Јилдиз ја доби десетката во Јувентус и со тоа беше најавено дека клубот планира да биде иден лидер на тимот, но сезонава турскиот репрезентативец нема најдобра соработка со тренерот Тиаго Мота.
Иако е прерано да се шпекулира, италијанските медиуми тврдат дека Јувентус може да го „жртвува“ Јилдиз ако екипата не обезбеди место во Лигата на шампионите. Германскиот новинар Флоријан Плетенберг смета дека опцијата Јилдиз е потешко изводлива за Јунајтед, бидејќи барем засега турскиот фудбалер се чувствува добро во Торино и сака да се докаже во дресот на Јуве.
