Сагата меѓу раперите Кендрик Ламар и Дрејк доби нов пресврт. „Јуниверзал Мјузик Груп“ (Universal Music Group), издавачката куќа која ги застапува и двајцата музичари, сака да ја отфрли тужбата за клевета што Дрејк ја поднесе против Ламар и UMG.
Компанијата вели дека неговата тужба е погрешен обид да му ги „залечи раните“ откако изгубил рап битка со неговиот ривал, пишува „Варајати“.
„Јуниверзал Мјузик Груп“ ја поднесе тужбата во понеделникот до Окружниот суд на САД за јужниот округ во Њујорк. Тие изјавија дека Дрејк „изгубил рап битка што тој самиот ја предизвикал и во која доброволно учествувал“.
„Наместо да ја прифати својата загуба како безгрижниот рапер каков што често се прикажува себеси, тој ја тужеше сопствената издавачка куќа во погрешен обид да си ги залечи раните. Жалбата на тужителот е целосно неоснована и треба да се отфрли со предрасуди“, велат од UMG.
Долгогодишната расправија меѓу Дрејк и Кендрик ескалира минатата година. Во март, тие почнаа да објавуваат песни во кои се напаѓаат еден со друг, а ситуацијата кулминираше откако Ламар ја објави песната „Not Like Us“ во мај 2024 година. Во него тој го нарече Дрејк „овластен педофил“. Неговата песна стана исклучително популарна, па дури и ги освои Греми наградите за снимка на годината и за песна на годината.
Дрејк поднесе тужба во јануари оваа година обвинувајќи ја UMG за клевета и вознемирување. Тврди дека „Universal Music Group“ „одобри, објави и започна кампања за создавање вирален хит од рап песна“ што имаше за цел да пренесе „специфични, непогрешливи и лажни факти“ за тоа дека Дрејк е педофил.
Во тужбата, тој тврдеше дека насловната фотографија за песната го прикажува неговиот дом во Торонто со ознаки што се користат за идентификување на домовите на регистрираните сексуални престапници. Дрејк во тужбата спомна и пукање што се случи пред неговиот дом само неколку дена по објавувањето на песната „Not Like Us“. Во престрелката е повреден еден чувар.
„Оваа тужба не се однесува на уметникот кој ја создал „Not Like Us“, туку само за UMG, музичката компанија која избрала да објавува, промовира, искористува и монетизира обвинувања кои не само што се лажни, туку и опасни“, рече адвокатскиот тим на Дрејк во тужбата.
„Јуниверзал Мјузик Груп“ сега тврди дека Дрејк не успеал да ја докаже клеветата за која ги обвини. Тие рекоа дека „Not Like Us“ пренесува „неоправдано мислење и реторичка хипербола, а не факт“. Тие исто така истакнаа дека Дрејк промовирал свои песни напаѓајќи го Ламар со помош на „UMG“.
Во предлогот, исто така, се вели дека тужбата на раперот ги игнорира другите „дис“ песни што и двајцата ги напишале пред и по „Not Like Us“ и „конвенциите на жанрот на ‘diss’ песната“. „Дис песните се популарна и прославена форма фокусирана на навредливи текстови и тие би биле изложени на ризик ако тужбата на Дрејк продолжи“, велат тие, додавајќи:
„Пред помалку од три години, Дрејк сам потпиша јавна петиција во која се критикува „трендот на тужителите да го користат креативниот израз на уметниците против нив“, третирајќи ги рап стиховите како буквални факти.
Во нивното барање, UMG негираше дека повикале на вознемирување против Дрејк за време на промоцијата на „Not Like Us“, а исто така обвини дека раперот се обидел да ги „изврти насилните метафори во стиховите за поттикнување“.
Адвокатот на Дрејк, Мајкл Џеј Готлиб, зборуваше за одлуката на „UMG“.
„UMG сака да го прикаже ова како рап битка за да го одвлече вниманието на своите акционери, уметници и јавноста од едноставната вистина: една алчна компанија конечно одговара за профитирање од опасните дезинформации, кои веќе резултираа со повеќекратни акти на насилство уметници“, рече тој.
