Во саботата, за време на трка во Бразил, трагично загина Аниња Зулеика Хавиер (39), шампионка во триатлон.

Несреќата се случила во првиот дел од трката, кога таа влегла во Атлантскиот Океан. Додека останатите натпреварувачи излегле од водата, таа не се појавила, што веднаш предизвикало загриженост.

Потресни моменти на трката

Нејзиниот тим брзо сфатил дека нешто не е во ред и веднаш ги известил организаторите, по што била започната потрага.

За жал, спасувачите ја пронашле неподвижна во морето.

И покрај обидите за реанимација, не успеале да ја спасат.

Потрагата по одговори

„Пред почетокот на трката ги помина сите стандардни тестови, а патеката ѝ беше добро позната“, потврдија организаторите.

Полицијата спроведува истрага за да ги разјасни сите околности на оваа трагедија.