Таа се осврна и на миграцијата. Меркел смета дека проблемот со илегалната миграција не може да се реши само на национално ниво. „Тоа останува европска задача која бара соработка со соседните земји“, нагласи таа и додаде дека клучниот предизвик лежи во матичните земји на мигрантите.

Меркел се осврна и на американскиот претседател Доналд Трамп. „Важно е тој точно да знае што му е важно“, рече таа, и го опиша како типичен претприемач. „Ако сакам одредено парче земја, можам да го добијам само јас или некој друг. Но, политиката секогаш не секогаш така“, рече Меркел.

Таа се присети и на ситуација кога Трамп не сакал да се ракува со неа, истакнувајќи дека тој знае како да привлече внимание подобро од кој било друг. Според неа, само уште еден светски лидер на сличен начин ја поларизира меѓународната политика – Владимир Путин.

„Путин го наруши европскиот повоен поредок“

„Тој нападна суверена земја, Украина, и не само што го прекрши меѓународното право, туку и го наруши европскиот повоен поредок“, предупреди Меркел, нагласувајќи дека решението на конфликтот мора да биде дипломатско.

„Нема да бидат доволни само воените средства. Сега можеби сме поблиску до договор отколку пред неколку недели. Политиката мора да ги поврзе спротивставените позиции, а не само да поставува црвени линии“, нагласи поранешната канцеларка, и додаде: „Украина мора да остане суверена“.

Меркел, долгогодишната германска канцеларка (2005 – 2021) и лидерка на Христијанско-демократската унија (ЦДУ), беше една од највлијателните европски политички во 21 век. За време на нејзиниот мандат таа се истакна како лидер на Европската унија, особено за време на финансиската криза и Брегзит.

Една од најконтроверзните одлуки во нејзината кариера беше политиката на отворени врати за време на мигрантската криза во 2015 година, кога дозволи повеќе од милион бегалци да влезат во Германија.

Оваа одлука ѝ донесе пофалби како хуманитарна лидерка, но и остри критики, особено во рамки на нејзината партија и од десничарските политички опции. Меркел инсистираше на европско решение за мигрантското прашање, нагласувајќи ја потребата од солидарност и соработка со матичните земји на мигрантите.

Иако нејзината политика предизвика политички пресврт, Меркел остана на својот став дека Германија може и мора да ги интегрира новодојдените мигранти. Со текот на годините, таа постепено ја заоструваше својата миграциска политика, поддржувајќи ги договорите со Турција и зголемените контроли на надворешните граници на ЕУ.