Кин и Рајт во жесток дуел на тема Бруно Фернандеш: Талентот не е доволен

Поранешниот капитен на Манчестер Јунајтед влегол во жестока расправија со Иан Рајт на тема Бруно, во која легендата на Арсенал се обидела да го заштити Португалецот.

Поентата на Рајт е дека Јунајтед би бил во уште полоша позиција без Фернандеш, но за Кин тоа е далеку од доволен аргумент за да биде позитивно настроен кон актуелниот капитен.

– Гледам дека навивачите му пеат песни на Бруно, а јас мислам дека овие момци се класични преваранти, рекол Кин, а имал одговор и на забелешката на Рајт дека токму Фернандеш е тој кој ја враќа екипата на голем број натпревари.

– Ние сме на 15. место во првенството, а тој не враќа во игра. Фала Боже, – иронично рекол Кин.

– Талентот не е доволен, Бруно е талентиран, но тоа не е доволно. Вие во Арсенал го величевте Тони Адамс за тоа што претставувал во соблекувалната, но тоа беше така затоа што тој беше голем борец, – истакнал Кин во расправијата која стана вирална на социјалните мрежи.