Ова видео кое тој го објави без коментар го визуализира пејзажот на моментално разурнатата Газа во модерен и трансформиран град на морето, полн со хотели, луѓе и облакодери.

Ова следи по неодамнешната идеја на Трамп за преселување на Палестинците од Газа во соседните арапски земји со цел да се изврши масовна реконструкција на уништената земја.

Џиновска златна статуа на Трамп и Маск коj фрла пари по луѓето

Мотивот на постојана забава и пари се провлекува низ видеото откако за прв пат ќе се прикаже уништениот град. „Газа 2025, што е следно? Напишано е на почетокот од видеото пред Илон Маск да почне да фрла американски долари по луѓето.

Се појави и џиновската златна статуа на Доналд Трамп, поставена на средина на вештачки создадената Газа, но потоа се појави и самиот Трамп, кој во видеото танцува со стомачна танчарка, а Илон Маск јаде. Во еден момент, заедно се појавија и Трамп и израелскиот претседател Бенјамин Нетанјаху во костими за капење седејќи на лежалки пред хотелот со пива в рака.

Што ќе се случи со Газа?

Ова видео доаѓа среде тековните дебати за американското учество во мировните напори и планирањето за обнова на Блискиот Исток. Иако видеото дава визуелен приказ на потенцијалниот развој, администрацијата сè уште не објави конкретни детали во врска со временските рокови за спроведување, механизмите за финансирање или дипломатските рамки кои би ги поддржале таквите иницијативи.

Белата куќа не издаде официјално соопштение во кое ги појаснува конкретните предлози илустрирани во видеото или како тие се усогласуваат со актуелните дипломатски стратегии. Претставниците на Стејт департментот, кога биле повикани да дадат коментар, потенцирале дека официјалните политички објави ќе дојдат преку официјалните канали.