Но, Вајдел се чини како парадоксална фигура за партија како што е АфД. Таа потекнува од добро ситуирано семејство во мал западногермански град. Има докторат по економија и претпочита контролирана атмосфера на сала за заседание или телевизиско студио отколку „градење“ поддршка со толпа луѓе.

Нејзиниот пат во кариерата пред политиката бил „стреловит“. Работела за „Goldman Sachs“, глобална инвестициска банка и „Allianz“, осигурителен гигант, пред да започне со приватна консултантска куќа. Поминала неколку години во Кина, но ги послуша предупредувањата дека би можело да биде голема грешка во нејзината кариера доколку ја доживуваат како „кинески играч“.

Околу нејзиното место на живеење, мало село во срцето на Швајцарија со само илјада жители на прв поглед не изгледа како база за лидерот на германската екстремно десничарска партија кој го привлече вниманието на Маск со нејзината најава дека „ќе ја направи својата татковина повторно голема“.

Екипа на „The Times“ го посети Вилерцел и објави дека селото нема многу криминал, а единствениот имигрант што го виделе бил поштар со албанско потекло.

За време на кампањата пред изборите во Германија, Алис Вајдл била нападната поради тоа што, како германска десница, воопшто не живее во Германија, туку во мало село оддалечено околу 80 километри.

Вајдел е официјално регистрирана во германскиот град Уберлинген, на Езерото Констанца во југозападната германска покраина Баден-Виртемберг. „The Times“ пишува дека адресата што ја навела во нејзината кандидатура е всушност адресата на домот на нејзините родители.

„Дали таа живее во нејзината детска соба?“, прашал локален жител кој разговарал со новинар од „The Times“.

Но, Вајдел, поранешна банкарка која се опишува себеси како лезбејка, но не и квир, дели стан со нејзината сопруга Сара Босард, швајцарска продуцентка родена во Шри Ланка, и нивните два посвоени сина.

Ако овие тврдења се вистинити, очигледната склоност на Вајдел да живее во Швајцарија, наместо во нејзината родна Германија, изгледа чудно за жена која е клучно лице на националистичката партија.

„Како поранешна банкарка кој живее лезбејски живот, особено ако тоа го прави во Швајцарија, а не во земјата што ја претставува, таа не ми делува како типичен политичар на AfD“, рече Суда Дејвид-Вилп, регионален директор на берлинската канцеларија на германскиот Маршалов фонд на Соединетите Американски Држави, пред изборите.

„The Times контактирал со соседот кој потврдил дека живее во Вилерцел, но рекол дека е таму поретко од нејзината сопруга.

„Таа е дружељубива, но не е тип на личност која би ве поканила на кафе и торта“, бил искрен тој.

Тешко е да се докаже каде живее Вајдел. Секој што ќе се пресели во Швајцарија или ќе ја промени адресата мора да се регистрира. Но, претставник на градското собрание во Ајнзиделн, во близина на Вилерцел, одби да потврди дали Вајдел го сторил тоа.

Вајдел била нејасна во одговорите на прашањата од германските медиуми, но не ја криела нејзината љубов кон Швајцарија, зборувајќи во неодамнешното интервју за весникот „Neue Zürcher Zeitung“ за тоа како сака да се искачува на планината Гросер Митен во близина на селото за да го гледа изгрејсонцето и да ги гушка дрвјата во блиската шума.

Германскиот новинар Дејвид Гебхард ја прашал во документарец на „ZDF“ за неа колку често е во Швајцарија, но таа избегнувала да одговори.

„Прашањето што го поставувате е сугестивно. Нема да одговорам ако се постави така. Можеме ли да продолжиме на следното сега?“, одговорила лидерката на AfD.

Новинарот ја прашал како поинаку да го формулира прашањето, таа избегнала да каже каде го поминува поголемиот дел од своето време: „Не, сигурно не вака. Не ги прашувате другите политичари колку често поминуваат време дома“, рекла таа, а потоа го завршила интервјуто: „Веќе немам волја, вие само поставувате сугестивни прашања“.

Нејзиниот портпарол потврдил дека Вајдел е регистрирана во Германија, во областа Езерото Констанца и дека таму плаќа даноци.

На прашањето кога последен пат ја посетила нејзината изборна единица, таа одговорил дека била таму на 8 и 9 јануари и повторно на крајот од претходната недела.

Вајдел потекнува од семејство кое имало значајно политичко минато - нејзиниот дедо по татко бил истакнат нацистички судија, а семејството било протерано од Шлезија, сега дел од Полска, по Втората светска војна.

Таа самата се приклучила на AfD во 2013 година, првично поради противењето на финансиската помош на земјите во кризата во еврозоната. Оттогаш, партијата претрпела значителна идеолошка промена, станувајќи силно фокусирана на прашањата за миграција и суверенитет.

Вајдел е скептична за климатските промени и поддржува даночни намалувања, укинување на минималната плата и намалување на владиниот апарат. Таа се залага и за построги мерки против илегалната имиграција, нагласувајќи дека големиот прилив на мигранти во последните години предизвика економски и социјални проблеми.

Историски изборен успех за AfD

За потсетување, Алтернатива за Германија (AfD) на вчерашните парламентарни избори постигна историски успех, убедливо освојувајќи го второто место на национално ниво. Во исто време, AfD е јасен победник во источна Германија, што е доказ дека изборниот јаз меѓу истокот и западот на земјата останува на место.

AfD е основана во 2013 година. Првично била формирана како евроскептичен одговор на финансиските и економските политики на еврозоната, но со текот на времето се трансформира во десничарско популистичко движење.

Таа е критична за понатамошната европска интеграција и се залага за посилен национален суверенитет. Повикува на построга контрола на границите и намалување на масовниот прилив на мигранти, особено од муслиманските земји, нагласувајќи ја важноста од зачувување на германскиот културен идентитет.

Промовира традиционални вредности и национален идентитет, што често се поврзува со критика на мултикултурализмот. Тој често изразува загриженост за влијанието на исламот врз германското општество, што доведува до обвинувања за исламофобија.

Многу политички аналитичари, медиуми и институции во Германија, како и во странство, ја позиционираат AfD како екстремно десничарска партија. Многу критичари истакнуваат дека партијата користи многу остра реторика насочена против мигрантите и исламската култура, која се смета за нетолерантна и ексклузивна. Тие, исто така, ја обвинуваат AfD за отфрлање на современите демократски стандарди.