"BMW" го претстави експерименталниот електричен автомобил "Vision Driving Experience", кој е опремен со "Heart of Joy" компјутерот – „мозокот“ на идните модели од серијата "Neue Klasse".
Првиот од овие модели ќе влезе во масовно производство подоцна оваа година, во фабриката во Дебрецен, Унгарија.
Според "BMW", "Heart of Joy" комбинира контрола на погонот, сопирачките, регенерацијата, полнењето и управувањето во еден централен систем, кој работи 10 пати побрзо од претходните независни управувачки единици.
Ова значи дека следната генерација електрични "BMW" модели ќе поминува низ свиоци со поголема прецизност и стабилност, со помала потреба од интервенција на возачот.
Покрај тоа, зголемената моќ на обработка ќе овозможи и поефикасно искористување на енергијата. "BMW" тврди дека напредниот систем за регенеративно сопирање ја подобрува ефикасноста за 25%, а во повеќето ситуации механичките сопирачки можеби воопшто нема да бидат потребни.
"BMW Vision Driving Experience" не е наменет за масовно производство, туку служи како тестна платформа за нови технологии.
Компанијата особено тестира дали електрониката може да издржи огромен вртежен момент од 18.000 Nm. За да ја демонстрира работата на "Heart of Joy", прототипот користи систем на бои на фелните:
Зелена – при забрзување
Сина – при поврат на енергија
Портокалова – при користење на триечките сопирачки
"BMW Vision Driving Experience" ќе ја има својата светска премиера на Саемот за автомобили во Шангај, кој ќе се одржи од 23 април до 2 мај.
