Весникот објави дека адвокатот на Маск, Марк Тоберов денеска ја доставил понудата до бордот на директори на "OpenAI".
Група инвеститори предводена од американскиот милијардер Илон Маск понуди 97,4 милијарди долари за да ја преземе контролата врз "OpenAI", што, како што објави "Wall Street Journal", ја поттикна неговата расправија со извршниот директор на компанијата, Сем Алтман.
Весникот објави дека адвокатот на Маск, Марк Тоберов денеска ја доставил понудата до бордот на директори на "OpenAI".
Иако понудата беше несакана, таа може да ги попречи плановите на Алтман за иднината на "OpenAI", кои вклучуваат нејзино претворање во профитабилна компанија и инвестирање до 500 милијарди долари во инфраструктура за поддршка на вештачката интелигенција преку „Stargate“, заедничко вложување во кое Алтман има удел.
Маск претходно помогна во основањето на "OpenAI", на кој Алтман сега е извршен директор, но веќе нема никаква врска со компанијата.
„Не, благодарам, но можеме да го купиме Твитер за 9,74 милијарди долари ако сакате“, одговори Алтман на платформата "X".
no thank you but we will buy twitter for $9.74 billion if you want
— Sam Altman (@sama) February 10, 2025
Маск брзо возврати пишувајќи: „Измамник“.
„Никогаш не е здодевно на X“, додаде тој.
Маск беше ко-основач на "OpenAI", но ги прекина врските со компанијата во 2018 година, откако не успеа да ги убеди нејзините други лидери да го стават на чело на профитниот ентитет "OpenAI" или да ја спојат компанијата со "Tesla".
Маск и Алтман се борат на суд за идната насока на "OpenAI".
И Маск и Алтман го лансираа "OpenAI" како добротворна организација во 2015 година.
Кога Маск си замина, Алтман стана извршен директор и компанијата основаше профитна подружница за да собере пари од инвеститорите и "Microsoft".
Сега Алтман сака да ја претвори својата подружница во традиционална компанија, според "Wall Street Journal".
Минатиот месец, американскиот претседател Доналд Трамп најави огромен инфраструктурен проект од 500 милијарди долари наречен "Stargate".
Главните имиња, вклучително и "Softbank", "OpenAI" и "Oracle", планираат да ги здружат силите за да изградат центри за податоци во САД за понатамошен развој на вештачката интелигенција.
