Главоболките понекогаш сериозно го ограничуваат квалитетот на животот. Се проценува дека секој четврти возрасен човек страда од тензични главоболки. Заболените често се обидуваат да ја ублажат болката со лекови, но помагаат и некои природни производи.
На Тикток, лекарот Феликс М. Берндт, познат како „Док Феликс“, ја откри ефикасноста на маслото од нане.
Овој природен производ има исто дејство како и 1000 мг парацетамол – рече докторот. Ментолот од маслото од нане има ефект на ладење, па кога се нанесува на челото, слепоочниците или вратот, може да предизвика ладна дразба која го блокира преносот на болката. Различни студии исто така покажуваат дека маслото од нане помага против главоболки. Достапно е во аптеките, а можете и сами да го направите.
Со малку трпение, можете да го направите маслото дома според следниве упатства:
• Измијте и издробете неколку листови нане и ставете ги во стаклена тегла;
• Ставете што е можно повеќе растително масло (сончогледово) додека листовите не се покријат целосно;
• Затворете ја теглата;
• Оставете ја на собна температура на засенчено место четири до шест недели. Протресете ја теглата повремено за да им помогнете на активните состојки подобро да се растворат;
• По 4-6 недели, процедете низ цедалка за чај во шише со темно стакло и маслото од нане е готово.
