Шпанската фудбалерка Џени Хермосо на денешното судење на поранешниот претседател на Шпанската Фудбалска федерација Луис Рубиалес изјави дека бакнежот што и го дал по финалето на Светското првенство во 2023 година „го извалка еден од најсреќните денови“ во нејзиниот живот.
Во реонот на Мадрид денеска почна судењето на поранешниот претседател на Шпанската фудбалска федерација за сексуален напад и принуда.
На Рубиалес му се суди за насилно бакнување на Хермосо на подиумот откако шпанската женска репрезентација го освои Светското првенство во 2023 година во Сиднеј.
Хермосо тврдеше дека не се согласила на бакнежот, што предизвика бес во општеството и надвор од фудбалот и го предизвика еден од најсрамните скандали во историјата на шпанскиот фудбал.
Throwback to when Spanish football president Luis Rubiales kissed Hermoso on the lips😭😂.
— The football boy (@thefutballboy_1) January 20, 2025
Bro was criticised to the extent of resignation. Do you think that's fair? pic.twitter.com/gwy0p1dt3M
Појавувајќи се како прв сведок на судењето, Хермосо рече:
„Мојот шеф ме бакна, а тоа не треба да се случува во ниту една социјална или работна средина“, објави „BBC“.
Таа рече дека никогаш не му дала дозвола на Рубиалес.
„Ништо не слушнав и не разбрав. А следното нешто што се случи е дека ме фати за уши и ме бакна во уста. Бакнеж во уста се дава само кога ќе одлучам“, рекла Хермосо.
Обвинителството бара затворска казна од една година за 47-годишниот Рубиалес, како и уште една и пол година за принуда бидејќи наводно се обидел да изврши притисок врз Хермосо јавно да каже дека бакнежот бил консензуален.
Рубиалес ги отфрли сите обвинувања.
Судењето ќе трае до 19 февруари.
Денес
