Официјални лица потврдија дека тројцата војници, кои загинаа, вежбале план за евакуација на Белата куќа кога нивниот хеликоптер „Black Hawk“ се судрил со патнички авион во средата.

Извори од одбраната ја потврдија природата на вежбата за „Sky News“ откако „интернет детективите“ ја изнесоа токму таа теорија.

Што рекоа теоретичарите на заговор?

Теоретичарите на заговор ги преплавија социјалните мрежи со тврдења дека хеликоптерот ја извршувал рутата за итна евакуација на претседателот како дел од планот за вонредни состојби на континуитетот на владата.

Континуитет на владата (COG) е принципот на воспоставување дефинирани процедури кои и овозможуваат на владата да продолжи со основните операции во случај на катастрофален настан како што е нуклеарна војна, природна катастрофа, сајбернапад или терористички инцидент.

Еден од петте клучни аспекти на мисијата на „COG“ е заштитата на клучниот персонал и инфраструктурата.

Кој беше во хеликоптерот?

Пилотот Ендрју Евс и наредникот Рајан О’Хара во петокот беа идентификувани како оние кои беа во хеликоптерот кој се урна. Третото лице во авионот, жената копилот, Ребека Лобак, беше идентификувана дури вчера откако семејството се согласи на нејзината идентификација.

Телата на О’Хара и Лобак беа пронајдени, но Евс сè уште е во ледената река заедно со неколку патници од патничкиот авион, додека во тек е истрага за причините за судирот.

Недостаток на контролори

Националниот аеродром Роналд Реган, каде што слета авионот, исто така се соочува со недостиг на контролори на летање и покрај тоа што опслужува „озлогласен“ пренатрупан воздушен простор.

Во четвртокот вечерта, се дозна дека на еден аеродромски контролор му било дозволено да си оди дома ноќта на несреќата, оставајќи ѝ многу поголем обем на работа на неговиот колешка. Од друга страна американскиот претседател Доналд Трамп, исто така, посочи дека мерките за еднаквост и инклузија на различности би можеле да бидат виновни за трагедијата, но не го разјасни своето тврдење.