Покрај неколкуте обожаватели кои стоеја пред нејзината врата, имаше и такви кои ја чекаа и во другите соби од хотелот, а овој безбедносен пропуст доведе до итна проверка на нејзиното обезбедување, пренесе Дејли Мејл.

„Тие очајнички сакаа да ја видат. Група обожаватели доби пристап не само до катот на кој се наоѓаше таа, туку некои беа пронајдени и пред нејзината соба. Обезбедувањето на крајот изврши дополнителна проверка, а уште неколку обожаватели ја чекаа покрај лифтот. Меѓутоа пејачката им кажа дека „нема да се фотографира во хотелот“, изјави извор за странските медиуми.

Пејачката се најде во слична ситуација во јуни минатата година, откако еден тиктокер влезе во просторот каде што таа одржа проби. Инцидентот се случи во Бирмингем неколку дена пред нејзиниот настап на фестивалот Гластонбери.

Ги поттикна гласините за свршувачка

Потсетуваме, 29-годишната пејачка неодамна поттикна гласини за свршувачка со нејзиното момче, актерот Калум Тарнер (34). Таа сподели серија фотографии на Инстаграм, на кои покажа како ги поминала празниците, а обожавателите на една од фотографиите забележаа дека носи дијамантски прстен на левата рака.

Иако ниту таа ниту нејзиното момче официјално не ја потврдија свршувачката, извор за британскиот „The Sun“ изјави дека парот се свршил. „Дуа и Калум се многу вљубени и знаат дека ова е засекогаш. Тие се свршени и не можат да бидат посреќни. Дуа ја имаше една од најдобрите години во нејзината професионална кариера и ова беше шлагот на тортата“, рече тој.

Двојката е заедно нешто повеќе од една година, а изминатото лето официјално ја потврдија врската. Британскиот актер претходно беше во врска со актерката Ванеса Кирби, додека пејачката со албански корени ја прекина врската со францускиот режисер Ромен Гаврас во декември 2023 година.