Кога сфатил дека возот тргнал, а вратите биле затворени, патникот скокнал во просторот меѓу два вагони и се држел за кабли додека брзиот воз се движел со брзина од 280 километри на час.
Четириесетгодишниот унгарски државјанин доживеал вистинска авантура во Германија.
Држејќи се за надворешната страна на вагонот додека возот сообраќал со полна брзина, патникот останал неповреден. Сепак, против него е покрената постапка за патување без билет и за попречување на железничкиот сообраќај, соопшти полицијата.
Настанот започнал кога човекот, кој патувал без билет, се качил во возот за Либек во близина на Минхен. При застанувањето на станицата во Инголштад, околу 70 километри северно од Минхен, патникот излегол на кратка пауза.
Кога сфатил дека возот повторно тргнал и дека вратите се затворени, тој се решил на опасен потег — скокнал меѓу два вагони и се фатил за каблите, држејќи се додека возот забрзувал до 280 километри на час.
Hungarian man survives after clinging to a high-speed train in Germany for nearly 30 kilometres even though the train was travelling at more than 280 km/hr. https://t.co/MLvhuSb9Ay
— The Brussels Times (@BrusselsTimes) January 18, 2025
Машиновозачот го запрел возот во Киндинг, околу 30 километри северно од Инголштад, по дојава до полицијата, која веднаш интервенирала и го уапсила патникот.
За среќа, човекот поминал без никакви повреди, а на полицијата ѝ објаснил дека морал да се качи во возот зашто во него останал неговиот багаж.
Против унгарскиот државјанин е покрената истрага за патување без билет и за нарушување на редот. Настанот, кој личи на сцена од акционен филм како Mission: Impossible, покажува дека реалноста понекогаш може да биде подраматична и од фикцијата.
