Објавен е нов официјален портрет на новоизбраниот претседател на САД, Доналд Трамп, пред неговата инаугурација, со кој тој уште еднаш успеа да ги изненади луѓето.
Фотографијата на Доналд Трамп беше објавена во четвртокот, а на фотографијата тој направи израз на лицето кој потсетува на негативец, што поттикна споредби со неговата фотографија од 2023 година, пишува Њујорк пост.
Портретот го прикажува идниот претседател со сериозен поглед, ладен израз и збрчкано чело, додека гледа директно во камерата.
Портретот од 2025 година има неверојатна сличност со неговата фотографија од полициската евиденција објавена на 24 август 2023 година.
Очекувано, набрзо се појавија хумористични коментари на социјалните мрежи во врска со фотографијата на Трамп.
„Тој изгледа како Дон Вито Корлеоне“, „Наликува на полициски портрет“, „Овој човек не се шегува“, „Јас сум Бонд …“ беа само дел од коментарите.
Спротивно на овогодишниот портрет, портретот на Трамп од 2016 година го прикажува како се смешка со американското знаме во заднина.
Исто така беше објавен и портрет на новоизбраниот потпретседател Џеј Ди Венс во син костум и сина вратоврска со суптилна насмевка и прекрстени раце.
Инаку Трамп и Венс ќе положат заклетва в понеделник.
