Телото на Ивона Савиќевиќ, по која се трагаше три дена, беше пронајдено вчера во населбата Штеке кај Подгорица.
Семејството и пријателите емотивно се збогуваат со Ивона Савиќевиќ, за која се верува дека извршила самоубиство. Зад себе остави ќерка, а како што пишуваат на социјалните мрежи, таа била прекрасна мајка и многу посветена на својата ќерка.
Во потрагата по неа биле вклучени беспилотни летала и хеликоптер на црногорската полиција, а нејзиното тело е пронајдено по три дена во населбата Штеке, во област покриена со шума и високи грмушки.
Имаше многу шпекулации околу нејзината смрт, со тврдења дека се збогувала со своите најблиски, а нејзината пријателка објавила порака што и ја испратила на денот кога исчезнала, надевајќи се дека ќе ја прочита, но за жал, никогаш добила одговор.
„Ако го читаш ова, само сакам да знаеш дека не постои проблем што не може да се реши. Ништо на овој свет не вреди колку твојот живот и ти си посилна отколку што мислиш. Имаш прекрасна ќерка и ѝ требаш … Допрва ќе ѝ требаш. Отсекогаш сум се восхитувалa на твојата енергија и сила, одвои два дена за себе, одмори се ако ти треба, од се и сите. Сите понекогаш се заморуваме и ни треба рестарт … Собери сили и назад нови победи. Те гушкам силно, биди добро“, гласи пораката што и ја испрати на Ивона нејзината пријателка и позната инфлуенсерка која заедно со пораката додаде: „Порака на која се надевав дека ќе одговориш дека се е во ред“. Почивај во мир добра душа!“
Инаку, Ивона во својата последна објава на социјалните мрежи ги повика сите да бидат тука едни за други во 2025 година и да се водат од љубов и разбирање.
„Во свет кој понекогаш заборава на нежноста, да се потсетиме дека љубовта е најубавиот јазик, а разбирањето е најубавиот подарок. Помалку осудување, повеќе прифаќање. Помалку критики, повеќе топлина. Нека 2025 година ни донесе сила да сакаме не само кога е лесно, туку и кога е тешко. Да бидеме тука еден за друг, да бидеме светлина во најтемните моменти. Љубовта и разбирањето нека ни бидат водичи на секој чекор“, напиша Ивона во последната објава на социјалната мрежа „Тредс“ пред да биде пронајдена мртва.
