Хезоња ги шокираше фановите со изјавата на полувремето на дуелот Реал-Олимпијакос

Дерби

17/01/2025

12:30

1.026

Големина на фонт

а а а

Реал Мадрид беше немоќен на вчерашното евролигашко дерби со Олимпијакос и загуби пред своите навивачи во натпревар на кој гостите доминираа и заслужено стигнаа до победата.

Грчкиот претставник ја потврди добрата форма со победа на жешкиот терен во Мадрид, а она што е топ тема меѓу фановите на шпанскиот великан е изјавата на Марио Хезоња дадена на полувремето на мечот.

Олимпијакос имаше предност во пресрет на подолгата пауза, а репортерот на Евролигата во краткиот разговор со хрватскиот кошаркар побарал објаснување за случувањата во првите дваесет минути.

– Знаевме дека ова е натпревар на неделата, тие се многу добар тим.

– Сепак, дел од кошаркарите на теренот се целосно неподготвени за ваков тип на натпревар. Затоа, мора да се фокусираме на нас, да се подобриме во играта во одбрана, – потенцирал Хезоња во изјава која сигурно ќе се коментира и наредниот период.