Во Руската република Јакутија, откриени се уникатни, добро сочувани остатоци од младенче мамут, за кои се проценува дека се стари околу 50.000 години, изјави за медиумите, Максим Чепрасов, директорот на музејот на мамути.
„Во овој момент можеме да кажеме дека ова е едно од најдобрите откритија на остатоци од мамути некогаш пронајдени во светот. Досега во светот се пронајдени вкупно шест остатоци од мамути, од кои пет се во Русија“, рече Чепрасов, а пренесува РИА Новости.
Mammoth remains found in Russia
— ℂ𝕙𝕖 𝔾𝕦𝕖𝕧𝕒𝕣𝕒 ★ (@cheguwera) December 23, 2024
A mammoth of unique preservation has been discovered in the permafrost in Russia's Yakutia. The geological age of the find is estimated to be 50,000 years.
In total, six mammoth remains have been found in the world; five of them in Russia. pic.twitter.com/y4ODiAQeWP
Според него, задните и предните делови од остатоците од мамутот биле откриени од локалните жители во јуни годинава во областа Батагајка во гратчето Верхојанск.
Во октомври, остатоците од мамутот биле доставени во Јакутск, каде што започна прелиминарното генетско истражување во лабораторијата НЕФУ.
Висината на бебето мамут во гребенот е 120 сантиметри, должина – помалку од 2 метри, а научниците утврдиле дека се работи за женка стара околу една година.
