Тие додаваат дека во експлозијата загинал и помошникот на Кирилов, пишува Би-би-си.

Во октомври, Обединетото Кралство воведе санкции против Кирилов, тврдејќи дека тој ја надгледувал употребата на хемиско оружје во Украина и дејствувал како „значаен портпарол за дезинформациите на Кремљ“.

Во понеделникот, украинската тајна служба, СБУ, го обвини во отсуство, објавувајќи на Телеграм дека е „одговорен за масовна употреба на забрането хемиско оружје“.

Медведев: Киев ќе се соочи со неизбежна одмазда за убиството на рускиот генерал

Дмитриј Медведев, заменик-претседател на рускиот Совет за безбедност, изјави дека украинското раководство ќе се соочи со неизбежна одмазда за убиството на високиот руски генерал, пренесе агенцијата РИА.

„Сфаќајќи ја неизбежноста на сопствениот воен пораз, започнуваат одвратни кукавички напади во мирните градови“, рече тој.

Генерал-полковник Игор Кирилов, шеф на силите за нуклеарна, биолошка и хемиска одбрана, е убиен од експлозивна направа поставена во електричен тротинет пред станбена зграда на околу 7 километри југоисточно од Кремљ, соопшти рускиот истражен комитет. Во експлозијата загина и неговиот помошник, додаде комитетот, опишувајќи го како „терористички чин“.

Атентатот се случи еден ден откако украинското обвинителство го обвини Кирилов за употреба на забрането хемиско оружје во војната против Украина.