Газираната вода може да биде дел од вашиот дневен внес на течности бидејќи тоа е главно вода, велат диететичарите Ким Шапира и Елизабет Браун. Сепак, тие предупредуваат дека обичната вода не треба целосно да се замени со газирана вода. Карбонацијата може да предизвика подригнување, надуеност и оштетување на забната глеѓ.
„Карбонацијата може да го зголеми формирањето на гасови и да доведе до рефлукс или киселина во желудникот, поради што сепак почесто препорачувам консумирање на обична вода“, вели Шапира за „Parade“. Исто така, Браун истакнува дека газираната вода не е идеална за луѓе со синдром на иритабилни црева (IBS) или за време на вежбање, бидејќи може да предизвика непријатност.
Доколку сепак се одлучите за газирана вода, Браун советува да ја одберете онаа која нема додадени шеќери, засладувачи или хемикалии. Идеално би било сите вредности на нутритивната табела да бидат еднакви на нула, а состојките да бидат ограничени на природни екстракти. Хемиските засладувачи и непотребните адитиви можат да го нарушат здравјето, особено кај луѓето кои се чувствителни на одредени состојки.
Шапира и Браун предупредуваат на опасните хемикалии познати како „PFAS“ кои можат да се најдат кај некои брендови на газирана вода.
„Овие хемикалии се отпорни на масло, вода и маснотии и тешко се разградуваат. Покрај тоа, тие можат да го зголемат ризикот од рак, проблемите со црниот дроб, проблемите со тироидната жлезда, неплодноста и дебелината“, предупредува Шапира.
Значи, газираната вода може да биде освежителен, хидратантен пијалак, но важно е да не се заборави обичната вода, која е неопходна за оптимално здравје. Со додавање на свежо овошје како лимон или нане, можеме природно да го збогатиме вкусот на водата, избегнувајќи хемикалии и непотребни адитиви.
