Меѓутоа, набрзо се појавија и други фотографии од премиерата, па нејзините следбеници сфатија дека онаа фотографија која ја објавила на Инстаграм најверојатно е направена со фотошоп. „Која е сега вистинската Донатела?“, „Едвај сфатив кој е на фотографиите“, „Доколку ова е дело на пластичен хирург, тој е бог“, беа само дел од коментарите на корисниците на социјалните мрежи.

Таа започна со операции во 90-тите

Потсетуваме, Донатела низ годините правеше бројни естетски зафати кои ѝ го деформираа лицето и ја направија речиси непрепознатлива.

Инаку Донатела започна со операции во 90-тите години, а по смртта на нејзиниот брат, познатиот дизајнер Џани, во 1997 година, нејзиниот изглед почна да се менува и призна дека редовно користи ботокс. „Не верувам дека жената треба да биде потполно природна“, претходно изјави Донатела.

Нејзиниот изглед со текот на годините драстично се смени, а поради корекциите редовно се наоѓа на самиот врв на листата на ѕвезди кои претерале со естетските зафати.

Донатела беше во брак со манекенот Пол Бек од 1983 до 2000 година, а во 2004 година се омажи за Мануел Далори, и се разведе една година подоцна. Инаку има две деца, ќерката Алегра (38) и синот Даниел (34).