Ученикот на Хабиб Нурмагомедов со страшен нокаут ја освои титулата во ПФЛ и милион долари

Рабаданов е во серија од 10 победи, го подобри својот вкупен рекорд на 24-4-1 и се покажа како еден од најдобрите во светот во својата категорија.

Овој 31-годишен Дагестанец е член на тимот на Хабиб Нурмагомедов и често тренира со легендарниот борец, со неговиот непоразен братучед Усман и со Ислам Махачев.

Рабаданов против Примус во целост го демонстрираше раскошот на дагестанскиот стил и со комбнација удари го собори противникот и го принуди судијата да ја прекине борбата.

Рабаданов на тој начин го освои турнирот во лесна категорија, каде од почетокот на годината со едногласна одлука ги победи Соломон Ренфро и Елвин Еспиноза и во полуфиналето во втората рунда го исфрли Мајкл Дуфорт. Тој заработи милион долари за освојување на турнирот, но тоа може да биде и негова последна борба во ПФЛ бидејќи логично е да се префрли во УФЦ.