Реал Мадрид ги освои посакуваните три бода во соочувањето со Леганес во Примера, но оваа победа донесе и една лоша вест за актуелниот шпански шампион.
Имено Винисиус Жуниор го одигра комплетниот меч на „Бутарке“, ама тоа остави последици затоа што заработил повреда која одреден период ќе го оддалечи од терените. Се работи за мускулна повреда која беше потврдена и од неговиот клуб кој стандардно не даде прогноза за периодот кој ќе му биде потребен за да закрепне, но медиумите информираат дека Бразилецот ќе биде во „аут“ околу еден месец.
Ова значи дека ќе пропушти најмалку шест натпревари и тоа соочувањата со Ливерпул, Хетафе, Атлетик Билбао, Џирона, Аталанта и Раја Валјекано, а под знак прашалник ќе биде за пресметката со Севилја.
- Луд календар. Ќе закрепнам, - порача Вини Жуниор на социјалните мрежи.
El loco calendario……… A RECUPERAR! 🙏🏿 https://t.co/oqSnKkP5MT
— Vini Jr. (@vinijr) November 25, 2024
