Тие се загрижени дека повеќе нема да ги видат внуците

Сега изворите откриваат дека Вилијам и Џејн се загрижени поради можноста никогаш повеќе да не поминуваат време во друштво на своите внуци. „Родителите на Бред Пит не ги виделе своите сакани внуци околу осум години поради разводот и правната битка помеѓу Бред и Анџелина“, изјави извор за „DailyMail“.

Пред распадот на нивниот брак, Вилијам и Џејн беа важен дел од животот на нивните внуци и често беа видени како уживаат заедно. „Пред разводот поминуваа многу време заедно. Тажно е што веќе не е така. Не само што е тажно што децата повеќе не го гледаат својот татко, туку уште потешко е што бабата и дедото немаат контакт со внуците“, тврди извор близок до семејството Пит.

Вилијам (83) и Џејн (84) последен пат беа видени со нивните внуци во 2014 година на премиерата на филмот на Анџелина „Unbroken“. Во тоа време, родителите на актерот со гордост зборуваа за Анџелина, а Џејн изјави: „Ние сме многу горди на Енџи. Ова многу му значи на нашето семејство, особено за нашите внуци. Ја сакаме до бескрај“.

Односите се влошија во 2016 година

Анџелина, исто така, еднаш го пофали Бред и неговите родители поради тоа што ги прифатиле нејзините посвоени деца. „Кога првпат ги запознав, имав две посвоени деца од други земји и не знаев како ќе реагираат, но тие беа подеднакво полни со љубов кон нив“, изјави Анџелина.

Сепак, односите се влошија откако Анџелина поднесе барање за развод во 2016 година. Трите најстари деца веќе речиси и да немаат никаков контакт со Бред. Захара се откажа од презимето Пит во 2023 година, а подоцна истото го направија и Вивиен и Шајло.