Ричард Гир вчера се појави во емисијата „Today“ за да ја промовира својата нова ТВ серија „The Agency“. Водителката Савана Гатри го најави прикажувањето на еден клип од серијата, а кога камерата повторно се врати во студиото, познатиот актер беше снимен како го покажува средниот прст.
„Само што направивте непристоен гест во оваа семејна утринска емисија! Водителката му порача на 75-годишниот актер кој се бранеше велејќи: „Не го покажавте тоа, но тоа е она што јас го направив во клипот. Тоа беше клипот!“
„Мојата рака го направи тоа, немам контрола“
Водителката потоа му кажа на актерот дека тие намерно го тргнале тој дел, но Гир тврдеше дека клипот „нема смисла“ без тој гест и се пошегува: „Мојата рака го направи тоа, немам контрола“.
Неговиот потег разбесни дел од гледачите, кои сметаат дека такво нешто е несоодветно за емисија која се емитува во утринските часови, додека на некои целата приказна им делува урнебесно.
„Кој друг помисли дека ѝ го покажа средниот прст на водителката? „Добро се снајде таа“, „Зошто го направи тоа? Не разбирам“, беа само дел од коментарите на гледачите.
