Во услови на економска неизвесност и инфлација, многу граѓани од Балканот се решаваат своите заштеди да ги инвестираат во недвижен имот, бидејќи го сметаат за најсигурна форма на инвестиција.
Вложувањето во станови, куќи и деловен простор е тренд кој постојано расте, а со него растат и цените на недвижнините, што е очигледно во речиси сите големи градови.
Овој бран на побарувачка доведе до забележително зголемување на цените на становите, но и до појава на специфичен пазарен феномен – значителен дел од купените станови остануваат празни или се даваат под наем со посебни услови.
Градежните експерти со коишто разговаравме велат дека моменталниот раст на цените не е одраз само на зголемената побарувачка, туку и на значајни промени во макроекономската средина.
„Цените на становите пораснаа за дури 70 до 90 проценти во последните пет години, а на кириите едвај за 20 до 30 проценти. Причината за ова лежи во неколку фактори, вклучувајќи ја инфлацијата, зголемените трошоци за градежни материјали и зголемениот интерес за сигурни инвестиции“, објаснуваат експертите.
Според нив, инвеститорите во недвижности треба да имаат на ум дека, за разлика од претходните години, повратот на вложените средства е значително продолжен.
„Ако порано повратот се случуваше за шест до седум години, сега истиот трае и до 15 години, особено со оглед на бавното зголемување на кириите“, посочуваат нашите соговорници.
Експертите предупредуваат дека пазарот на недвижнини се наоѓа во еден специфичен циклус, во кој цените се високи, но приходите од издавање на становите не се во пропорција со инвестираната сума.
„Растот на побарувачката нема да стивне наскоро, бидејќи се чини дека граѓаните се решени секој денар настрана да го вложат во недвижен имот. Со секоја нова продажба се создава дополнителен притисок врз цените, а многу луѓе купуваат и со цел да го задржат капиталот во стабилна форма“, велат познавачите.
Оваа практика, иако популарна, може да доведе до понатамошна нестабилност во пазарот на недвижности и потенцијално да ги „заклучи“ цените на високо ниво во догледна иднина.
Остатокот од текстот можете да го прочитате ТУКА.
