Вирална сцена од НБА: Дончиќ го проигра осамениот Томпсон, па воодушеви со реакцијата

Маверикси успеаја да го ангажираат Клеј Томпсон во текот на летото и значително го засилија својот шутерски потенцијал, а во тоа можеа да се уверат фановите, но и самиот Дончиќ уште на почетокот.

Еден од најдобрите шутери на сите времиња испорача шест тројки и постигна 22 поени во победата од 120:109, но посебно вирална стана една сцена од последната четвртина.

Акцијата на домаќините заврши со додавање на Дончиќ до осамениот Томпсон, по што следеше оригинална реакција на Словенецот кој веќе стопроцентно верува во квалитетите на новиот соиграч.

Лука почна да се враќа во одбрана веднаш по додавањето, знаејќи дека Клеј сигурно нема да погреши кога е небранет од никого.

Свој учинок во победата секако имаше и Словенецот, кој натпреварот го заврши со 28 поени, 10 скокови и 8 асистенции.