Чави Ернандес доби низа „отровни стрели“ во последните два месеци од луѓе од кои не се очекуваше тоа, ни покрај се, легендата на Барселона покажува дека љубовата кон клубот е поголема од сите невкусни потези.
Чави си замина како голем господин од Барселона и покрај заработениот отказ, бидејќи наместо да бара отштета, не побара ниту едно евро и му препорача на Лапорта да ги пренамени парите за следниот тренер.
Во негов наследник се претвори Ханси Флик и Германецот на импресивен начин ја надогради работата на Чави, па откако сите во клубот и опкружувањето се воодушевени од новиот тренер, со интересна објава се јави и Чави.
Ернандес организирал лична средба со Ханси Флик и успеал да мине едно цело попладне со германскиот стручњак, а моментот го овековечил и со слика на која позирале и неговите деца.
– Ханси, ти посакувам многу среќа! Виска Барса, – гласи пораката на Чави која ги воодушеви фановите на Барселона.
