Деценискиот клип од реалното шоу „Keeping Up with the Kardashians“ повторно се појави, откривајќи детали кои Клои Кардашијан ги сподели за една од забавите на Шон „Паф Диди“ Комбс.
Во епизодата насловена „Тајните на двоен живот“, која се емитуваше на 17 август 2014 година, Клои Кардашијан се присети на викендот што го поминала во Лас Вегас.
Додека разговарале, Кортни Кардашијан ја прашала својата сестра: „Кој беше со тебе викендов? Клои одговори дека е со пријателите, а потоа Кортни спомна имиња меѓу кои и Паф Диди, неговиот посвоен син Квинси Комбс и раперот Френч Монтана.
Подоцна во епизодата, Клои опиша забава на која присуствувала додека била на куглање со пријателката Кадија Хак.
- Не ни спиев. Се качив во авионот во 5:30 наутро. На таа забава мислам дека половина од луѓето беа голи – се присетила Клои.
Ги дрогираше жртвите до послушност
Апсењето на Паф Диди и обвинувањата за трговија со луѓе и рекет предизвикаа бран реакции кај познатите личности. Раперот беше уапсен овој месец и задржан во притворниот центар Метрополитен, каде што ќе остане во фаза на судење. Тој двапати беше одбиен за кауција и се изјасни за невин по обвиненијата.
Во обвинението од 14 страници, кое беше објавено еден ден по неговото апсење, се наведува дека Паф Диди злоставувал, се заканувал и ги принудувал жените да ги задоволат неговите желби. Обвинението ги опишува таканаречените партии „Freak Off“, кои, наводно, вклучувале дистрибуција на контролирани супстанции на жртвите за да бидат согласни.
„Веројатно ќе ме уапсат за правење луди работи“
Паф Диди предвиде дека неговата забава ќе го одведе во затвор во едно интервју во 1999 година, кога за Entertainment Tonight рече: „Веројатно ќе ме уапсат затоа што правам секакви луди работи за добро да се забавувам“.
Тој, исто така, истакна дека луѓето се заплашуваат кога некој внесува „различен елемент“ во нивната околина.
Во едно интервју во 2002 година за „Доцна ноќ со Конан О'Брајан“, кое исто така повторно се појави по апсењето на раперот, Паф Диди му дал совети на водителот Конан О'Брајан за организирање на „убиствена забава“ со „убави жени“. Тој рече: „Не знам дали момците забележале, но многу жени пијат вода на забавите, па ако го немате она што им треба, тие ќе заминат“.
