За овој повод, Џоселин одбрала црна, модна комбинација – носеше црни кожни пантолони, црно сако и проѕирна маичка, а Лојд исто така се усогласи со неа носејќи црна облека.

Нивните фотографии набргу почнаа да се шират на социјалните мрежи и ги шокираа многумина, кои коментираа дека Џоселин изгледа како „карикатура“.

Парот неодамна присуствуваше на една од модните ревии во рамки на модната недела во Париз, а Џоселин и тогаш се појави во црна, модна комбинација и привлече внимание поради нејзиниот изглед.

Многумина ја критикуваат поради пластичните операции

Многумина честопати ја критикуваат поради естетските операции, а Џоселин пред неколку години, во разговор со „Daily Mail“ негираше дека правела пластични операции. Лојд тогаш изјави дека Џоселин постојано изгледа исто и дека никогаш не сменила ништо на нејзиното лице, а кога беше директно запрашана дали правела какви било естетски корекции, таа одговори негативно.

„Погледнете ги моите стари фотографии. Секако дека тогаш бев поубава. Кога сме млади, постои одредена свежина која ја губиме со текот на годините, но на тие фотографии сепак ќе ги видите истите очи, високите образи и истиот нос“, изјави Џоселин.

Инаку, Џоселин се прослави по нејзиниот развод од францускиот милијардер и трговец со уметнички дела, Алек Вајлдстеин во деведесеттите години.