Иранскиот претседател Масуд Пезешкијан се сретна со членовите на политичката делегација на Хамас, по што испрати порака до израелските власти.
Пезешкијан рече дека Израел ќе добие уште построг одговор.
„Западните земји му дадоа лажни ветувања на Иран и повикаа на воздржаност за да се постигне договор за прекин на огнот во Газа. И покрај тоа, продолжувањето на израелските злосторства не принуди да испратиме остар одговор до Израел“, рече иранскиот претседател.
Тој нагласи дека убиството на шефот на Хамас Исмаил Ханије е болен настан за него.
„Она што е сигурно е дека ако израелскиот режим направи и најмала грешка, ќе добие многу посилен одговор“, рече тој и нагласи дека способностите на Израел зависат од поддршката на САД и Европа.
„Спротивставувањето на овој режим бара поддршка и соработка на муслиманите со угнетениот народ на Палестина. Обединетиот глас на муслиманите ќе спречи секој агресор и криминалец да ја нападне територијата на Муслиманскиот свет. Се надеваме дека Господ ќе нè води на овој пат.
