Помина повеќе од една деценија од почетокот на производството на "McLaren P1", а време е за наследник.
"McLaren" објави дека нивниот нов хиперавтомобил ќе се вика "W1".
Датумот на премиера, 6 октомври, беше одбран за да се одбележат 50 години од првата титула на конструкторите во Ф1, кога нивниот возач Емерсон Фитипалди го освои шампионатот во Ф1.
Во прилог е кратко видео на кое се прикажани претходниците на "McLaren W1" заедно со логото на новиот модел. Погледнете го тизер видеото.
Помина повеќе од една деценија откако "McLaren P1" влезе во производство и дојде време за наследник.
"McLaren" штотуку постави видео за своите „1“ автомобили, "F1" и "P1", во кое вработените во компанијата зборуваат за тоа што ги прави овие автомобили толку посебни.
На почетокот на оваа година, Мекларен наводно им го претставил на дилерите новиот хиперавтомобил со кодно име "P18".
Тој треба да добие нов хибриден "V8" погон, за кој "McLaren" потврди дека е во развој минатата година.
Оваа единица го заменува твин-турбо "V8" што компанијата го користеше од дебито на "MP4-12 C" во 2011 година.
Наследникот на "McLaren P1" исто така ќе усвои нов дизајнерски јазик.
"McLaren P1" беше откриен во 2012 година и заедно со "Porsche 918 Spyder" и "Ferrari LaFerrari" го формираа „светото тројство“ на хибридни хиперавтомобили.
Неговиот хибриден твин-турбо V8 мотор произведува 916 коњски сили и вртежен момент од 900 Nm, а благодарение на конструкцијата главно од карбонски влакна, "P1" тежеше помалку од 1.500 kg.
Исто така, имаше паметен хидрауличен систем за суспензија и активна аеродинамика за супериорни перформанси. И денес е еден од најбрзите автомобили во светот.
"McLaren" оттогаш направи други хиперавтомобили, како што се "Senna", "Speedtail" и "Elva", но ниту еден не беше толку епохален како "P1" или "F1" пред него.
Со својот најнов болид „1“, "W1", "McLaren" се надева дека ќе ја врати магијата.
