Постарото куче Сали, кое било на чекор од евтаназија, на емотивен начин ѝ се заблагодарило на својата нова сопственичка откако во последен момент било спасено.
Емотивниот момент бил забележан на камера и стана вирален на социјалните мрежи, покажувајќи ја неверојатната љубов и благодарност на кучето кон личноста која му дала нова шанса за живот.
Сали која своите златни години ги поминала во азил конечно го пронашла своето вечно семејство. Сопственичката веднаш сфатила колку љубов и нежност може да донесе ова постаро куче и покрај неговата мината тешка судбина. На видеото се гледа како Сали нежно гледа во очите на нејзината нова сопственичка, мавта со опашката и покажува неверојатна блискост, како да разбира колку е среќна што е спасена.
Коментарите на луѓето на социјалните мрежи се полни со восхит, а многумина признале дека биле длабоко трогнати од приказната. Ваквите моменти нè потсетуваат на важноста од вдомување на постари животни кои, и покрај нивните години и честопати трауматичните искуства, сè уште имаат многу љубов да дадат.
