Микел Артета очигледно смета дека на Арсенал му е потребно уште едно засилување за новата сезона, па размислува за нов крилен напаѓач и тоа меѓу две опции.
„Инденпендент“ тврди дека менаџментот на „топчиите“ има дилема и размислува меѓу Кингсли Коман од Баерн Минхен и Рахим Стерлинг од Челси, а втората опција дефинитивно не е добро прифатена од фановите на Арсенал.
Стерлинг е отпишан од новиот менаџер Енцо Мареска и мора да си најде нов клуб до крајот на преодниот рок, но заемот во Арсенал би е комплициран не само поради реакцијата на фановите, туку и поради неговата голема плата, во која Челси ќе мора да учествува и доколку го позајми кај градскиот ривал.
Стерлинг заработува 325.000 фунти неделно во Челси, а Артета и неговите соработници се подготвени да одвојат најмногу 150.000 фунти за засилувањето кое треба да покрива на крилните позиции.
Коман е втората опција, бидејќи Баерн одамна го стави на трансфер листата и сака да се ослободи од неговата плата, па нема да биде изненадување ако Арсенал се реши и на ангажман на Французинот, кој досега нема играно во Премиер лигата.
