Офанзивната операција на украинската армија во правец на Курск беше сериозен удар врз наративот на лидерот на Руската Федерација, Владимир Путин, оцени високиот претставник на Европската унија за надворешна политика и безбедност, Жосеп Борел.
„Украинската офанзива во регионот Курск беше сериозен удар за наративот на рускиот лидер Путин. Укинувањето на ограничувањата за употреба на средства против руската армија, која учествува во агресијата против Украина, во согласност со меѓународното право, ќе имаат неколку важни последици“, напиша тој на платформата Х.
Борел смета дека тоа ќе ја зајакне украинската самоодбрана и ќе ги уништи безбедните места што Русија ги користи за напади и бомбардирања на украинските градови и инфраструктура. Исто така, оваа операција ќе спаси животи и ќе го намали уништувањето во Украина и ќе помогне да се унапредат мировните напори, рече високиот претставник на ЕУ.
