Имено, девојките на ТикТок сега користат бронзер за покривање на подочниците, што е помалку неконвенционален, но изненадувачки ефикасен метод кој владее на популарната платформа.

Коректорот повеќе не се користи

Што се однесува до ТикТок, коректорот за под очите е минато! Повеќето видеа говорат за отфрлање на традиционалниот коректор за подочниците, кој обично е посветол од вашиот природен тон на кожа, како и за прифаќање на природна сенка под очите.

Многумина сега учат различни техники за прекривање кои вклучуваат суптилни корекции на бојата и добро осмислено контурирање на подочниците за да ги направат помалку видливи. Некои дури сакаат да носат светкава сенка под очите наместо коректор за осветлување.

Оваа културна промена не се случила преку ноќ и всушност е резултат на пандемија која предизвикала бран „мејкап минимализам“, што подоцна резултирало со свежи трендови како естетиката „clean girl“.

Трикот со бронзер менува сè

Во виралното видео кое го објавила корисничката Сиера Кенон, таа користи крем бронзер под и околу очите наместо коректор како би ги прекрила подочниците.

Звучи контрапродуктивно, но резултатите се доста убедливи. Сè што е потребно е да нанесете крем бронзер на капаците и под очите, а потоа трпеливо изблендирајте и верувајте во процесот.

Познатата шминкерка Кејти Џејн Хаџис исто така го споделила своето мислење за овој тренд и дала малку повеќе контекст.

Објаснила дека сè се сведува на теоријата на боите.

Се покажало дека топлите нијанси на бронзер делуваат слично како коректорите кои се портокалова или праска боја, кои ги поништуваат сините и виолетови тонови под очите. Користењето бронзер околу очите исто така „подигнува“ о „создава димензија“ во споредба со стандардниот коректор. Но, таа сепак додава и малку коректор преку бронзерот за резултатот да биде малку посјаен.

Да заклучиме, индустријата за убавина постојано се развива, а ТикТок е во предност кога се случуваат тие промени.

Иако оваа техника можеби нема целосно да ги замени коректорите, таа нуди возбудлива алтернатива за која многумина сметаат дека е и те како ефикасна. Без разлика дали сте мејкап минималист или „beauty“ максималист, овој тренд вреди да се проба.

Кој знае, можеби еден ден ќе стане дел од вашата нова „мејкап“ рутина.