[ФОТО] Принцезата на Дубаи го остави сопругот преку Инстаграм: „Бидејќи си зафатен со други ‘придружници’, еве вака“

„Драг мажу, бидејќи си зафатен со други ‘придружници’, еве вака. Се разведувам од тебе. Чувај се. Твојата поранешна сопруга“, пишува во објавата.

Парот престана да се следи на социјалните мрежи и двајцата ги отстранија сите објави на кои се појавуваат заедно од своите профили. Тие се венчаа пред нешто повеќе од една година, во мај 2023 година, а во мај оваа година добија ќерка. За оваа објава сè уште никој официјално не проговорил – ниту кралското семејство, ниту наводно напуштениот сопруг.

Некои мислат дека нејзиниот профил бил хакиран, додека други ја слават нејзината „храброст да се залага за нејзините права“. Како и да е, сигурно е дека ќе се слушне повеќе за оваа приказна. Инаку, Махра е ќерка на Мохамед бин Рашид Ал Мактум, владетелот на Дубаи и премиер на Обединетите Арапски Емирати. Студирала во Обединетото Кралство и редовно се залага за правата на жените во нејзината земја. Нејзиниот сопруг, од друга страна, е познат по дружењето со озлогласениот Ендру Тејт, самопрогласен мизогинист, обвинет за трговија со луѓе и силување.