Актерот Стивен Сигал беше меѓу гостите на денешната воена парада во Москва по повод Денот на победата над фашизмот, а беше забележан за време на преносот во живо додека ја следел парадата на тенковите од Втората светска војна.
Неговото појавување на парадата не е изненадување со оглед на тоа што холивудскиот актер е долгогодишен пријател на рускиот претседател Владимир Путин, па дури и се зачленил во партија блиска до Кремљ.
Инаку Сигал официјално е руски државјанин од 2016 година, а ја извршува и функцијата специјален претставник на руското Министерство за надворешни работи за хуманитарни односи меѓу Русија и Соединетите Американски Држави.
Тој никогаш не ја криел својата поддршка за рускиот претседател, нарекувајќи го „еден од најголемите светски лидери, ако не и најдобриот од денешните“.
Сигал во повеќе наврати ја изразил недвосмислената поддршка за Путин и руската армија во инвазијата врз Украина.
Инаку во 2023 година, Путин му го додели Орденот за пријателство на Сигал, а актерот, кој веќе се залагал за соединување на Крим со Русија, една година претходно го посетил рускиот град Оленовка и тамошниот логор.
Потсетуваме на воената парада по повод Денот на победата, преку која Русија ја одбележа 80-годишнината од победата над нацистичка Германија присуствуваа повеќе од 20 меѓународни лидери. Илјадници руски војници маршираа на парадата, а беше прикажано и најновото руско оружје, вклучувајќи системи за противвоздушна одбрана и ракетни системи.
