„Во песна како „More to Lose“ настојувам да отпеам сè уште при првиот обид. Ги додавам моите хармонии, „ad-libs“ на крајот, но тоа е навистина приказна и не сакам ништо да ја прекинува, да размислувам премногу или да бркам совршенство“, вели Сајрус во разговорот за песната објавена на Инстаграм. „Не сакав „More to Lose“ да звучи совршено; сакав да звучи значајно и емотивно“.

Во еден момент се расплакува

На почетокот на неделата, пејачката на социјалните мрежи сподели исечок од баладата. „More to Lose“ го продуцираа Џонатан Радо, Мајкл Полак, Шон Еверет и Би Џеј Бартон.

Сајрус синглот го пропратила со црно-бело видео кое наизменично се менува меѓу нејзините кадри покриени со кристали, облечена во долг класичен фустан и, кон крајот, темно палто со проѕирна ткаенина преку лицето. Во еден момент од видеото, Сајрус плаче додека пее: „Го велиш тоа/Но би сакала да не е вистина, не/Знаев дека еден ден некој ќе мора да избере“.

„Единствена поп опера“

Таа ја изведе песната и за време на настапот во Њујорк минатиот викенд, каде што ја нарече „инстант класика“. Ќе се најде на нејзиниот деветти студиски албум, чии извршни продуценти се Сајрус и Шон Еверет. Пејачката на почетокот на минатиот месец го најави албумот со првиот сингл „End of the World“.

Својата „поп опера“ ќе ја претстави и на овогодишниот „Tribeca Film Festival“ на 6 јуни. Синопсисот на проектот го опишува како „уникатно визуелно искуство, поттикнато од фантазијата, со 13 авторски песни од претстојниот албум. Единствена поп опера од умот на Мајли Сајрус“.