Шерон Стоун ја рекреираше својата легендарна сцена од филмот „Basic Instinct“ облечена во долна облека и на тој начин го привлече вниманието на многу корисници на социјалните мрежи.
Таа ја глумеше Кетрин Трамел во споменатиот филм, која го одвлече вниманието на полицијата за време на испрашувањето со ширење и повторно прекрстување на нејзините нозе. Оваа сцена стана една од најнезаборавните во историјата на кинематографијата.
Актерката доби многу пофалби во коментари бидејќи позирала во ова издание на 66 години и докажа дека годините навистина се само бројка.
„Сакаме да го гледаме ова почесто – жени во зрели години кои се храбри“, „Изгледаш толку сексапилно“, „Тие чевли! Тие нозе! Прекрасна си од глава до пети“, се некои од нив.
Фотографијата досега доби речиси 200.000 лајкови на Инстаграм.
Во своите мемоари, Шерон детално го опиша гневот кој го чувствувала кон режисерот Пол Верховен.
Таа му удрила шлаканица и го напуштила сетот откако сфатила дека оваа сцена е вклучена во филмот иако тој претходно ја уверувал дека тоа нема да се случи. Верховен ги негираше нејзините тврдења и наведе дека таа била запознаена со деталите од сцената.
„Секоја актерка знае што ќе се случи ако ја замолите да ја соблече долната облека и ја вклучите камерата“, додаде тој.
