Баба Ванѓа, позната и како Вангелија Пандева Гуштерова била слепа бугарска пророчица родена во Струмица, а надалеку позната по своите наводни моќи на предвидување.
Баба Ванѓа го добила прекарот „Нострадамус од Балканот“ по познатиот француски астролог и наводно го предвидела 11 септември и војната во Украина, пишува „The Sun“.
Мистичната исцелителка починала во 1996 година, но следбениците на оваа видовита жена сè уште чекаат некои од предвидувањата кои таа ги направила пред нејзината смрт.
Всушност, некои извештаи тврдат како Ванѓа предупредила дека крајот на светот ќе настапи во 2023 година поради нуклеарно биолошко оружје и соларна бура.
Не постои официјална снимка за нејзините претчувства и нивната вистинитост.
Меѓутоа, најновото застрашувачко предвидување на Ванѓа кое повторно се појавило е нејзиното тврдење дека крајот на светот ќе започне во 2025 година, според различни извештаи.
Човештвото нема да биде избришано до 5079 година, но апокалипсата ќе започне во 2025 година, според Ванѓа.
Времепловот на Ванѓа до крајот на човештвото
2025: Конфликтот во Европа ќе го уништи населението на континентот.
2028: Луѓето ќе почнат да ја истражуваат Венера како извор на енергија.
2033: Поларните ледени капи ќе се стопат, со што нивото на морето ќе се подигне на драстични височини низ целиот свет.
2076: Комунизмот ќе се прошири низ земјите ширум светот.
2130: Луѓето ќе стапат во контакт со вонземјаните.
2170: Суша ќе го уништи поголемиот дел од светот.
3005: Земјата ќе војува со цивилизацијата на Марс.
3797: Луѓето ќе мора да ја напуштат Земјата бидејќи таа ќе стане непогодна за живеење.
5079: Крај на светот.
Ванѓа не била единствената која тврдела дека однапред знае кога ќе биде крајот на светот.
Некои тврделе дека племето Маи го предвиделе крајот на светот во 2012 година, бидејќи нивниот календар завршил на 21 декември 2012 година.
Bulletin of the Atomic Scientists исто така, најавува годишна процена со својот Часовник на Судниот ден. Часовникот на Судниот ден бил поставен на 90 секунди до полноќ – втора година по ред, „одразувајќи ја континуирана состојба на невидена опасност без преседан со која се соочува светот“.
Минатата година, часовникот исто така бил поставен на 90 секунди до полноќ – најблиску што некогаш бил до полноќ во историјата на часовникот, пишува „NYPost“.
