Изјавите на украинските власти за ракетниот напад на Руската Федерација врз цивилни цели не соодветствуваат со реалноста на фотографиите и видеата од местото на настанот, додека го потврдуваат фактот за падот на украинската ракета за противвоздушна одбрана, истакнаа од руското Министерство за одбрана.
„Изјавите на претставниците на режимот во Киев за наводниот намерен руски ракетен напад врз цивили се апсолутно лажни“, се вели во соопштението на Министерството. Оттаму додаваат дека бројните објавени фотографии и видеа од Киев го потврдуваат фактот за експлозии поради падот на украинската ракета за противвоздушна одбрана, која била лансирана од противвоздушен ракетен систем во внатрешноста на градот.
Министерството за одбрана соопшти дека ваква хистерија на режимот во Киев се случува веќе неколку години и секој пат пред следниот состанок или самит на НАТО.
Како што додава Министерството, руските вооружени сили ги нападнале целите на украинскиот воено-индустриски комплекс како одговор на обидите за напад врз руски цели.